يا صاحبي ..!
هالقصيدة
لكل واحد زعل من احد
او اخذ بخاطره في يوم من الايام على أخوه أو أخته أو قريبه او رفيقه او زميله ...
قصيدة رائعة إقروها وإفهموها ولا تنتظروا لين يقال صلوا على فلان أو فلانه تقول ذاك الوقت بروح أصلي عليه ... فرّحه في حياته واحتسب عند ربك ( ومن عفا وأصلح فأجره على الله )
(منقولة)
القصيدة:
نزعل ونتكبّــر وحنا من الطيـــن
والكل منا صــدّ لا أقبل خويّــه !!
نفخر نقول إن على الصد قاوين
وهــــيّ علينا في الحقيقــة قــويه!!
ننسى نهايتنا، وعلى وين ماشيـن
وننسى الزمان اللي جمعنا سـويه!!
المشكلة ماهي بـ حاجة لــ تخمين
ولاهي بعد يا ناس صعبـة القضيـه !!
دق الرقم : كيفك و ياهلا فيك ... وأهليــن
أنــا الخـوي اللـي مـزعّــل خويـه!!
قلّه : تغيب وصـورتك داخل العين
ويبقــى لـ حبك في خفــوقي بقيــه!!
أخوان حنا لو يجي بيننا شيــن
و مانفترق دام المحبــة نديـه!!
خلك قــوي لا تحتكرك الشياطين
قبل الفوات وقبل وقت المنيــه !!
كلّم اخوك بــ اطيب الهرج واللين
وأعرف جميل الهرج يمسـح رديـه!!
هذي هي الدنيا من الحين لـ الحين
لابد بين الناس تحصــل خطيـه !!
ومن لايقدّر غلطــــة أحبابه الحيــن
يقـرأ حـروفي ويعتبرها هــديه ...!!
باكر تمر سنين وسنين
والكل يرحل في الدروب المـديـه !!
صدقني تندم وأذكر حروفنا زين
تندم على خلك إذا غاب ضيّــه !!
دنيا غريبة وأكثر الناس ماشين
وكم صاحبٍ والله دفنته بــ يديـه!!
تعليقات
إرسال تعليق