الأيام
الأيام ...
تمر علينا فترات بحياتنا منها الزين و منها الشين ... و كل واحد فينا يحاول يتجاوز يومه و هو يتسائل ... أنا ليش صار فيني هالشي ؟؟!! و أنا شنو سويت علشان تصير معاي مثل هالمواقف ؟؟!! و يقعد يتحسف و يتندم على أشياء خلااص صارت و انتهت جنه لو قعد يتحسر على اللي سواه بيرجع كل شي مثل ما كان او يمكن اللي سواه يرجع ناس راحوا عنه من زمان ؟!
ما يدري انه يمكن هالاشخاص اللي اهو تحسر عليهم يمكن الله بعدهم عن طريجه لئنهم بالاخير بيضرونه !! كلنا جذي ... نشوف الشي على اساس انه اذى احاسيسنا و مشاعرنا لكن ننسى انه بالاخير هذا القرار يكون احسن قرار بحياتنا صج يمكن نتألم و مرات نتأذى و في فئة من الناس توصل فيهم لمرحلة انهم يحسون بعصرة القلب اللي جنه جزء من روحهم و كيانهم اختفى مع روحة هالشخص ... هالانسان اللي نحس انه مستحيـــل نلاقي منه مثيل نقعد نتخيل نفسنا شلون بنعيش من دونه سواء صديقـ \ـه او حبيبـ \ـه
و ننسى انه اللي خلق هالواحد خلق 39 غيره !... بس بالاخير نلقى نفسنا عايشين و يوم عن يوم ننسى او يمكن نتناسى الوجع و الحزن اللي سببه فراق هالانسان و يوم عن يوم نرجع نلم لم نفسنا و نحاول نعيش حياتنا حالنا حال غيرنا و بالاخير ننسى هالانسان و نمحيه و ترجع حياتنا صفحة بيضة تنتظر من يلوثها مرة ثانية و ثالثة و رابعة لئنه هذي اهي الايام فيها الزين و فيها الشين .
تعليقات
إرسال تعليق